ലൈംഗിക പ്രശ്നങ്ങളും പ്രതിവിധിയും

മനുഷ്യജീവിതത്തിൽ ഏറെ പ്രാധാന്യമർഹിക്കുന്നതും ഏറ്റവും വ്യക്തിപരമായതുമായ ഒരു നല്ല കാര്യമാണ് ‘സെക്സ് ‘.

പലപ്പോഴും സെക്സിനെ ക്കുറിച്ച് മറ്റുള്ളവരുമായി സംസാരിക്കുന്നതിനു പോലും പലർക്കും നാണമാണ്.

എങ്കിലും ജീവിത ശൈലിയിലും സമൂഹത്തിലുമുണ്ടായിക്കൊണ്ടിരി ക്കുന്ന മാറ്റങ്ങൾക്കനുസൃതമായി അനവധി ലൈംഗിക പ്രശ്നങ്ങളും സർവ്വസാധാരണമായി കഴിഞ്ഞു.

ആയതുകൊണ്ടുതന്നെ ലൈംഗിക പ്രശ്നങ്ങളെയും പ്രതിവിധികളെയും കുറിച്ച് വിദ ഗ്ധരുമായി സംസാരിക്കുന്നതും സംശയനിവാരണം നടത്തുന്നതും ആവശ്യമായി വന്നിരിക്കുന്നു.

മനുഷ്യൻ ദൈവസൃഷ്ടിയായാലും പരിണാമങ്ങളിലൂടെ ഉരുത്തിരിഞ്ഞതായാലും സ്ത്രീയും പുരുഷനും മാനസികമായും ശാരീരികമായും സമ്പൂർണ നിർവൃതിയിലേയ്ക്കെത്തുമ്പോഴാണ് ജീവിതം സന്തോഷകരവും അർത്ഥപൂർണവുമാകുന്നത്.

പ്രകൃതി മനുഷ്യനെ സ്ത്രീയും പുരുഷനുമായി സൃഷ്ടിച്ചു. അവരെ ഒന്നാക്കുന്നതിലും ഒരുമിച്ചുകൊണ്ടുപോകുന്നതിലും പുതുതലമുറയ്ക്ക് ജന്മം നൽകുന്നതിലും മുഖ്യപങ്ക് വഹിക്കുന്നത് സെക്സാണ്.

ലൈംഗികബന്ധം സംതൃപ്തവും നിർവൃതി പകരു ന്നതുമാണെങ്കിൽ കുടുംബ ബന്ധവും, മാനസിക ആനന്ദവും, വ്യക്തിഗത ആരോഗ്യവും സന്തുലിതാ വസ്ഥയിലാകുന്നു.

മറിച്ചാണെങ്കിൽ അസന്തുഷടിയും നിരാശയും മാനസിക പിരിമുറുക്കങ്ങളും ചേർന്ന് നിത്യേന കുടുംബ കലഹമുണ്ടാവുകയും വിവാഹമോചനത്തിൽ വരെ എത്തിച്ചേരുകയും ചെയ്യുന്നു.

ഇത്തരം പ്രശ്നങ്ങളുടെ മൂലകാരണം ലൈംഗികതയെക്കുറിച്ചുള്ള ശരിയായ അറിവില്ലായ്മയും ആവശ്യ നേരത്ത് വേണ്ട ചികിത്സയും കൗൺസിലിംഗും ലഭിക്കാതിരിക്കുന്നതുമാണ്.